Banten Hubungan dengan benda jasmaniah, oh Arjuna === menimbulkan panas dan dingin, senang dan duka === dan semua ini datang dan pergi, tidak abadi === karena pikullah, wahai Kuntipura. (BG II, 14) Nian tingkahe ngamong karya,miwah saluwiring seraja karya,patut matur matur piuninga dumun ring dewan kayune ring. Ida Betara Berahma, ring sang dewa petara ane kesasar. Wenang nanceban sanggah cucuk, diarepan paone, (3) telung besik aturane munggah ring sanggah cucuke : daksina pada mabesik, ajengan putih kuning pada mabesik, canang lengwangwi, burat wangi, beten segean pada mesoroh, suang katur ring betara Berahma, ring dewan kayune, ring dewa ane kesasar, ide same aturin ngambel karyane apang rahayu. Yan nora samangkana katemah denira sang tiga tansida gawenia. Ape marmana mangkana apan saluwiring ngawitin ngambil karya, ngerubuh sarwa kayu, saluwire sedaging ipun, sami masedana saking taru (punyane, done, buahne, bungane, rauh saangne, same mangge).
Muah ang sire angamong karya, yan amejah wewalungan angge upekara, asuci sira rumuhun, tur apeningan raris matepung tawar mangkana, nunas tirta ring dalem, mewastra palengsa peradeg.
Yan amejah bawi (ngorok celeng) :
Mantra : pukulun catur pada, betara ngawe kita pamulihan kite ring daksena, manembah kite ring betara Berahma, wus nembah mewali kita kemadia pada, menadi kita Berahmana sakti yang lanang, yan wadong mahening warnawira, angawetutur rahayu, rumaga sang hyang Darma, Ong wang namah suaha.
Yan sira amejah bebek, (ngorok bebek) :
Mantra : pukulun duwi pade dempe, betare nggawe kita, pamuliha kita ersania, manembah kita ring betara Sambu, wus nembah mewali kita kemadia pada, medadi Bujangga sakti, yan lanang, yan wadon menadi manira anggawe tutur rahayu merangga sang hyang Darme, Ong wang namah suaha.
Yan amejah siap (ngorok siap):
Mantra : pukulan duwi pada tetek dimpil, betara ngawe kita, mulih kite ring purwa, manembah kita ring betara I suara, wus sira nembah, mewali kita, ka madia pada, menadi manusa sakti lanang, yan wadon mahening warneya amgawa tutur rahayu, rumaga kita sang hyang Darma, ng Rang namah suaha.
Yan sarwa selaku dada (wiyadin maupas) :
Mantra : pukulan slaku dada pamulih kite ring pancima, manembah kite ring utara, manembah kita ring Betara Mahediwa, Ong Tang namah suaha.
Yan sarwa urip ring toyo :
Mantra : pukulan sarwa mina betara ngawe kita, pamulih kita ring utara, manembah kita ring Beara Wisnu Ong namah suaha.
Yan ngawugan semida (saang) :
Mantra : pukulan sarwa semide rbetara ngawa kita ring genian manembah kita ring betara Mahesora, Ong Nang namah suaha.
Yan sarwa godong ( don - donan ) :
Mantra: pukulun sarwe godong , betara ngawe kita ,pamulih kita ring nariti ,manembah kita ring betara Rudra, ong Mang namah suaha.
Yan Eka pada ( yan ngematiang punyan kayu ) :
Mantra : pukulan suku tunggal, betara ngawe kita, pamulih kita ring baya-biyaring betare Sangkara, Ong sing namah suaha.
Yan malepas saliwiring we, tujunen ring madia, rng betara Siwa, Ong Hyang-Ong Hyang namah suaha, Ong Siwa nirmala nirgaya namah suaha, Ong, Ong, Peramweiwa nirogamah suaha, Ong, Ong sama sampurna nama suaha.
Wenten malih japa, pengelepas saluwiring pinet (saluwiring kepademang) luwire : kebo, sampi, celeng, ayam, bebek (itik) kunang, mantra : Ong, sukseme taya, mibere sang dara putih, sukseme taya miber sang kitire putih, suksema taya, miber mangulon putih, jeng tur ilang.
Yan sira amejah patik wenang, pukulan ika anuduhakena, suarganie suang-suang. Pada anadi suarga, rahayu sang amajeh kelawan sang kapejahang.
Yanore samangkana, anemutan rahayu, sang ngematiang wewalungan ika, kedande denira sang hyang catur lokepale yang benerdenira, sanakte catur anadi begawan catur loke pala, samangkan tigkaha angamong karya pagehakera.
Yan sira ngewangun karye saluwiring karya, patut ngangga ngelingan kecaping aji saresewati, saluwiring wewalungane mangge upekara, jagi kepademang (kematiang) mangga upekara, patut ngemargiang gelar pegal-mangsa. Yan tan masedana upekara, tan suaste karyanta, katemah de sang tiga. Iki elingakena, sekadi kecap ring ajeng.
Malih yan sira nguwangun karyene, ring ida betara ring dalem, makemiwah ring pamijilan, ika tuti adana dahat ngaran ika ngaran matengeran untuk surya, metapakan uku muang sasih, metemuang dewasa muang muang pamujan ida betara, nametapakan uku kabeh, ika wenang mapenerusan juga, was ring paretitana, peretiti mawak marga, marga mawak patuwunan, pemargan kelena, muang dengene buta yaks-yaksasine, saluwiringperetitit doh ala.
Malih tingkah panginih-inih, saking pengawit mekarye sesangan, matur puyuninga ring ida betare ring dalem, nunas peremenak idene, I Sedahan Jagalmangsa, aturin mengemban karyan titiange, muang nunas penyengker buta butine muang kala dergene.
Bantenia : sesantun abesik, ajuman putih kuning, canang gantal apasang, canang burat wangi, lenge wangi, peras kuning.
Ature : inggih ratu betere ring dalem, titiang nunas peremenak paduka betari Jero-sedahan I Jagalmangsa, aturin titiang ngmbelang karyan titange, mangnda terepi pisan kalih olan titange, telas.
Beras kuning ika, raris bakte budal, sambehang iderang ring pekaanganania, wus mangkana, nancebang sanggah cucuk, diarepan pawone, diarepan pamesuane, miwah bucun karang suang, banten ike tumpeng adanan :
Ring Ersania (kaja kangin) I Buta ulu guak,bene takuh siap.
Ring Genian (kelod kangin) I Buta uku asu, bene balung gagending.
Ring nereti (kelod kawuh) I Buta ulu gajah, bene padang belulang.
Ring Wayebiya (kaje kawuh), I bUta uleu kebo, bne padang belulang.
Ring pamesuane, I Buta beregenjeng, bene sake wenang.
Ring arepan pawone, aturin sang dewa pitara ane kesasar bene sakawenang.
Malih ring sampune nampah, mebanten sai-sai, ring sanggahe sami, muah, ring genahe nampah, bantenia nasi telepokan, ulamnia kawisan, sesantun abesik, canang apasang, lengewangi buratwangi, pengastawane ring sedahan Jagalmangsa, aturin ngamel olahane.
Iki kekudangania (sapuniki ature) :
Inggih ratu betari ring dalem, titiang nunas peremenak paduke betare, dana isedahan jagal mangsa, aturin titiang ngambel karyan titiange, mangda terepi, olahan titiange, aturan ring sanggahe sami, bebakaran, genah niabeten, ngawit ngawit saking pempatane, wus mangkana, raris ring setra, raris ring dalem.
Yan molaan wenginie, dumunang canange apasang, nyanyah geringsingan, kantewali duang cengkang, sesangtun abesik, bakaran abesik, raris celepang canange-kantealine dibatan widang pameruaha.
Mantere : Ong sangakala bungkem, bute-buti bungkem, yaksa yaksi bungkem, kumancang kumincing bungkem, dewa bungkem, sakuwehing manusa bungkem, saluwiring mangkian bungkem-bungkem-bungkem.
Malih pamginih-inih ring beras, muang sege (nasi) meserane busung rijanah bangke, kye iki rerajahania.
Wus memantra, genahakene ring beras, muang ring sege (nasi, bebantenie nasi akepel, benyalian mewadah cau, melaed don dapdop.
Mantra : Ong Seri teka, Seri ayu, Seri mendel, sidi mandi matranku, Ong Seri Mandel, Seri Ayu, Seri penuh, Seri genep, sidi mandi mantranku, Ong puspa jati, puspa ireng, utuh sai, lewih sai engkad sai, sege sai, kukuh sai, kobek sai, puser bape akasa, babu peretiwi.
Malih yan angagem karya, ring Ide betara, wiyadin amuje pitra, panerusania, masedane nasi atanding mewadah tebog, medaging enba, kacang-kacang, sesawur, sarin bonge limang soroh, riwus panuja genahakene beten, tas kara yang dewasa, Ong, mantra kene ping 5 (lima), ike ngaran pangembak lawang mainep, muang mus mangkana, ring pamuput karyane, muang ring dewa, yadin nawurpunagi (sesangi) yadin kepitra, di kalungsur bantene, wenang saagakarya wenang meberata, amti ara, ring pamuput karyene asapunika cihenania (cirine) muputang karya, berata mawak atma, berat ngaran bara (bare) sih ngaren telas.
Malih tegesing karya, ling (waah) Sang Hyang Purusangkara, uduh saluwiranng sang ngagem karya, sang mayun tuhu jadma, luputing sang kara papa, keramania sangkumingkin aken karya, kang nista, madiya, utama, manah lege dadi ayu, aja ngalem paderuweyan, muah kapuputan (pewaris) kaliliraning wang, aja angambekaken keroda, muang mojera gangsul, (ngerawos degag miwah alus ucapan) samangkana timgkana angamong karya, aja simpang budi, yan sida samangkana ulahta putus ganeenia, sami saha widi-widananira, katekeng tetaledan muang sesayut meraga dewasami, ketekeng wewangunan sami pada meraga dewa. PULUTUK PAWILANGAN ETEH-ETEH SESATE BANTEN
Ong Awegena mastu nama Sidem
Puniki yan mekarya soroh galaan, ngaran asoroh. Labeng duang galah, wenang pada, setengah lebeng matahnia, mungguwing jejatahnia pitung warna, luwirnia.
1. Lembat
2. Asem
3. Erapah mepucak ati
4. Jepit - Babi
5. Kuwung bungan duren
6. Jepit balung
7. Jepit gunting
Tekaning jajerone saunduh, ider buana, muang suluh dadua, balang selepitan pinalih sekadi ring arep, lebeng matahnia, muang berabas ayungnia, ngaran jajeronia saunduh, tekaning jejaringane. Ana sawilah, babi sawilah, ikut, cunguh, cadik ngatut tulang.
1. Balung giling
2. Balung bolong
3. Balung geganding
4. Balung ketupang
5. Balung ketupang agung
6. Balug cili
7. Balung cikal
8. Balung cikar tengari
9. Balung inger
10. Balung linggis
11. Balung dengkul
12. Balung pupur
13. Balung nake-buja
14. Balung nake-pada
Iki pinalih sekadi arep, lebeng matahnia, rerabasania sane rateng :
1. Urab-barak
2. Urab-putih
3. Urab-jenar
4. Urab-gadang
5. Papenyon
6. Rerubuhan
7. Penget
8. Rerawon
9. Palo akaputan melalak
10. Timbangan
11. Pesan kakempul
12. Oret
13. Kakutis
14. Urutan dadakan pada measte panjangnia
Iki ngaran ben panjang, sekadi arep, pinih kedik jejalah ipun sane kepanggih iriki.
Malih ana pereteka, nanging nganti penguduh itukang banten, keh-kedik ipun, ike tunasan ring sang mekarya banten, yadin tukange sane mewaste nukangin, sami maduwe indik.
Malih tegesing balung kadi ring sor, wastan balung-katerangan ipun, luwire :
1. Balung mudra ngaran balung tendas
2. Balung gerana ngaran balung cunguh
3. Balung inger ngaran balung bawonge beten kuping
4. Balung cikal ngaran balung bongkol cadike
5. Balung cikal tengari ngaran balung muncuk cadike
6. Balung cili ngaran Tulang giyinge matut iga isi babi kulit
7. Balung giling ngaran igena ngatut isi kulit
8. Balung bolong ngaran tulang giyunge ane tusing ngatut isi babi kulit muang iga
9. Balung iga ngaran ana tuare ngatut isi babi kulit
10. Balung gending pengatep peene bunter.
11. Balung linggis balung peene dempet
12. Balung dengkul balung entude
13. Balung laba - keri pale kiwa
14. Balung katupang balung silite
15. Balung ketupang agung balung silite maka bungkul
16. Balung pemubug ana duur balung silite
17. Nekat buja balung kukun batise
18. Naka pada, balung kukun batise
19. Balung igul balung ikute
Malih tegesing kalung, luwire :
20. Kalung lekeh = tulang giyenge ngatut isi babi kulit
21. Kalung gede = baonge natut isi babi kulit
22. Kalung meatun-antun = kalunge mesambung-sambung
23. Kalung kundali = kulit-lima-batis makiruk ne tusing pegat
24. Cok mirah = ketekane misi getih misi rames lawar ati, mepupuk antuk tansik embe mica
25. Penget = urabe genep, malih dagingin muluk muang papait, raris kaput metambus.
26. Payasan = ngaran pesan
27. Reraon = rubuhe dagingin sela, muang jejaringan kaput metambus.
28. Kakutis ngaran = semuuk
29. Oret ngaran = urutane mepanggang
30. Urutan dadakan = urutan magoreng
31. Ulam kuk = basange misi intukan misi biyu, matugel-tugel raris talihin
32. Alir-aliran = basange puyung maupin malih seet antuk kali
33. Suluh-suluhan balang selepitan = jejarone saunduh amet mider buana
34. Rerebasan ayung-ayung = r arebasane puput magenepan tekaning jejaringania, telas
Rekalaning mekarya ngasti-wedana muang nyawa wedana, saika peretekaning sane munggah ring arep, nanging malih pekayunin, den sang ngarsa biasa kena, lingin aksara iki dena anut, sedend-sedeng (muah kurang lewihin, yua kurang pereyatna, sang nganukangin ikita kabeh, muah ayua ngangge tukang banten tan weruhing sastra, tukang angeruk, ngaran yan tan nganutin linging aji, muah yan tukang tan weruhing tegesing pulutuk, saking aniru-niru, mapa kurang mapa luwih, den katah pada mesalah ungguan, tukang tejager ngaran iki.
Wastunia tan saking manutin sastra, nganggo sakewenang diawak, samben ngaranie ika, kedanda de yang Yama
Ritatkala ngawe sate mejujuk :
Penyeneng ( sate tegeh ).
Sangjatane miwah iringan satene, sekadi munggah ring gambar, manut ring pawilangan ring patutuk puniki.
Ring sampun puput pererekanie iki pemelapasnie :
Sesantun abesik, sapula kerti, jinah satak salai (225), perah abesik jinah selai (25) nasi sokan abesik, benik karangan dene genep.
Malih nasi agibung, benia bayuan atanding, jinah dua likur (22) sega cacaan solas tanding (11), benia jejatahan urab, abang, putih, sega kepelan telung kepel, benia bawang jae, telas.
Iti mantra pemelapasnie :
Mantra : Ong sang Hyang Mareka mungguh ring tumpukaning ati denira mungguh ring pucuking lidah, metu Sang Hyang Eto-Eto, anugeraha wong sinadean, tan keneng campahang Ong astu tatastu astu.
Pangurip mantra : Ong se - ba - ta - E - I - Na - Ma - Si - Wa - Ya. Wisuwa karma perayo janem ayu werdi ya namah, buana kerta ya namah.
Asep, mantra : Ong Brahma dewa ya namah
Ong Ludra ya namah
Ong Duasta ya namah
Ong kala-kali ya namah
Ong sarwa bawa wenama-nama-nama suaha
Tepung tawar, mantra : Ong sejana apta asasta, empu sirang sarining wesesa, tepung tawar amunahaken, sega uangelungsurakan saluwiring sebel kandel, gegodaanmu panganmu sangkala lara roga batanu, ong peras bungkah tekeng pare.
Tetebas, mantra : Ong wetaning raga dirgayusa angapus walung pila-pilu, angapus otot pila-pilu, angapus asta-guna gaweningulun.
Ngetisan toyo, mantra : Ong ya mewantu.
Sukayu mewantu
Purne ya mewantu
Sesarik, mantra : Ong sang Hyang Murti wisesa mungguh rung bau
kiwa-tangen
Sang Hyang urip mungguh ring kateganing ati,
amungkurana baya pakewuh, sira sang sang
sinarik-sarikan
Segaan, mantra : Ih sang bute sangepati sanwa wigeraha, iki tadah sajinira soang-soang, aja alik salah gawe, poma-poma-poma.
Raris tabuhin antuk tuak, arek, berem, wus mangkana wawusang ngaryanin nginditaken, telas |
